موجودہ ذمہ داران

شیخ القرآن والحدیث مولانا عبد المالک صاحب

پیدائش :یکم جنوری 1943ءگاوں سرائی تحصیل اوگی ضلع مانسہرہ

جامعہ مرکز علوم اسلامیہ منصورہ میں گزشتہ ۴۰ برس سے شیخ الحدیث کی ذمہ داریاں ادا کررہے ہیں ۔آپ ۱۹۶۰میں جامعہ اشرفیہ لاہور سے فارغ التحصیل ہوئے اور در س و تدریس شروع کی ۱۹۶۸ میں فیصل آباد میں مولانا مفتی سیاح الدین کاکاخیل ؒ کی نیابت میں حدیث شریف کی تدریس کا آغا ز کیا ۔آج آپ کے ہزاروں شاگرد مدرسوں ،مسجدوں اور تعلیمی اداروں میں علم دین کی شمع روشن کئے ہوئے ہیں ۔

یوکے اسلامک مشن برطانیہ اور اسلامک کلچرل سنٹر ناروے کی دعوت پر کئی مرتبہ برطانیہ اور ناروے کے دعوتی دورے کےے متعدد خطابات کےے اور کانفرنسوں میں شرکت کی ۔رابطہ عالم اسلامی کی دعوت پر دو مرتبہ حج کی سعاد ت حاصل کی۔علماءکے وفد کے ساتھ افغانستان ، ایران ،ترکی ،لبنان اور تھائی لینڈ کے دورے کےے ۔

آپ قومی اجتماعی سرگرمیوں میں فعال کردار ادا کرتے ہیں ۔جمعیت اتحاد العلماء والمشائخ پاکستان کے ۱۹۸۶ سے صدر ہیں رابطةالمدارس الاسلامیہ پاکستان کے ۱۹۸۳ سے۲۰۰۳ تک ناظم اعلیٰ رہے جبکہ ۲۰۰۳ سے صدر ہیں ۔۱۹۹۷ میں اسلامی نظریاتی کونسل کے رکن رہے اور ۲۰۰۲ تا۲۰۰۷تک ممبر قومی اسمبلی پاکستان رہے

گزشتہ ۵۲ برسوں سے جامع مسجد منصورہ میں دورہ تفسیر کرواتے ہیں جس سے سینکڑوں طلباءو طالبات استفادہ کرتے ہیں اس کے آڈیو اور ویڈیو کیسٹ تیار ہیں ۔شعبہ استفسارات کے مدیر کی حیثیت سے ہزاروں مسائل پر دینی راہنمائی دی ہے جس کی ایک جلد رسائل و مسائل کی صور ت میں موجود ہے دیگر زیر طبع ہیں ۔جامع مسجد منصورہ میں روزانہ بعد نماز فجر مختصر درس قرآن کا چشمہ خیر بھی جاری ہے۔

شیخ القرآن والحدیث مولانا ڈاکٹر عطاء الرحمن صاحب

نام : (مولانا ڈاكٹر) عطاء الرحمن ولد شیخ القرآن والحدیث مولانا گوهر رحمن رحمه الله ۔

پيدائش : 21 اكتوير 1968ء بمقام محلة رستم خيل مردان ، پاكستان۔

ابتدائی تعليم : گورنمنٹ پرائمری وهائی سكول مردان وجامعة اسلامية تفهيم القرآن مردان.

﴿مزید تعلیم ﴾  بي – اے آنرز (اصول الدين ) اسلام آباد پاكستان۔ ايم – اے ( اصول الدين ) اسلام آباد پاكستان۔

پی – ايچ – ڈی (اصول الدين) سلانجور ملائشياء.

شهادة العالمية في العلوم الاسلامية والعربية. رابطة المدارس الاسلامیہ پاكستان(ملكی سطح پر رابطة كے امتحان ميں پہلی پوزيشن)۔

سابق لكچرر بين الاقوامی اسلامی يونيورسٹی ملائشياء. جزوقتی تدريس يونيورسٹی پترا ملائشياء ومعهد القرآن ﴿Institute Al Quran )ملائشياء. دعوة اکیڈمی اسلام آباد۔

2002م كے اليكشن ميں اين اے 11 مردان سے ايم ايم اے(جماعت اسلامی) كے ٹكٹ پر ممبر قومی اسمبلی پاكستان منتخب ہوئے. قومی اسمبلی کے قائمة کمیٹی برائے خوراک وزراعت اور سيفران کے رکن رھےِ ۔ صوبہ خیبر میں ایم ایم اے کی سابقہ حکومت میں قائم کردہ "شریعت کونسل" کے رکن رھے۔ اسی اسمبلی میں ایک غیر سرکاری تنظیم ﴿ پلڈاٹ ﴾ کے ذریعے نوجوان ممبران اسمبلی پر مشتمل بنائی گئی تنظیم ﴿Young Parliamentarians Forum ﴾ کے نائب صدر رھے۔ 2007ء میں بننے والے مسلمان پارلمنٹیرینز﴿موجودہ اور سابقہ﴾ کی تنظیم   "المنتدی العالمی للبرلمانیین الاسلامیین" کی مجلس اداری کے رکن ہیں۔ 

مارچ 2003ء سے تا حال جماعت اسلامی پاکستان کی مرکزی شوری کے رکن ۔ مرکزی شوری کی قائمة کمیٹی برائے امور خارجہ اور تعلیم کے رکن ھے۔ رکن گورننگ باڈی انسٹی ٹیوٹ آف پالیسی سٹڈیز(IPS)پاکستان۔ نائب امیر جماعت اسلامی پاکستان۔مہتمم جامعہ اسلامیہ تفہیم القرآن مردان ۔ ناظم اعلیٰ رابطة المدارس الاسلامیہ پاکستان ۔

پارلیمانی وفود میں فلپائن،ہانگ کانگ،جرمنی،ملائشیاء اور ہندوستان کا دورہ کیا ہے۔

مختلف سیمینارز کانفرنسز اور دعوتی پروگرامات کے حوالے سے درج ذیل ممالک کے دورے کئے ہیں۔

ملائشیاء ، انڈونیشاء ، برطانیہ ، امریکہ ، ناروے ، چین ، جاپان ، ایران ، متحدہ عرب امارات  ترکی ،  مصر، سوڈان ، کویت۔

مولانا عطاء الرحمن مدنی صاحب

مولانا ڈاکٹر حبیب الرحمن صاحب

پیدائش 1966

تعلیم : حفظ ،شہادہ العالمیہ( رابطۃ المدارس الاسلامیہ پاکستان) مرکز علوم اسلامیہ منصورہ لاہور 1987، ایم اے اسلامیات، ایم اے عربی پنجاب یونیورسٹی، ایل ایل بی(LLB) بین الاقوامی اسلامی یونیورسٹی ، ایم فل ،علامہ اقبال اوپن یونیورسٹی، پی ایچ ڈی پنجاب یونیورسٹی 

تدریس : تین سال مرکز علوم اسلامیہ منصورہ لاہور اور اٹھ سال جامعہ حنیفیہ ملیر کراچی اور 26 سال سے بطور پروفیسر بین الاقوامی اسلامی یونیورسٹی اسلام اباد میں ہوں ۔ 

انچارج شعبہ مطبوعات شریعہ اکیڈمی بین الاقوامی اسلامی یونیورسٹی اسلام اباد انچارج ٹریننگ ڈیپارٹمنٹ شریعہ اکیڈمی 

انچارج کیمپس فیکلٹی اف شریعہ اینڈ لا،اسلامی یونیورسٹی اسلام اباد۔ 

تصانیف:

۱۔ فقہی اختلافات (حقیقت ، اسباب اور اداب و ضوابط) ۲۔ قواعد اصولیہ میں فقہاء کا اختلاف اور فقہی مسائل پر اس کا اثر 

۳۔ اسلامی اور مغربی اصول قانون ۴۔ احادیث الاحکام دو جلدیں ۵۔ احکام طلاق

۶۔ احکام وصیت ۷۔ قانون قسامت ۸۔ اسلامی شریعت کا عمومی تصور 

۹۔ ٹرانس جینڈر ایکٹ 2018 دینی ، اخلاقی ، قانونی اور معاشرتی مضمرات

انتظامی ذمہ داری:

بطور مہتمم تین سال جامعہ حنیفیہ ملیر کراچی 

بطور چیئرمین ٹریننگ ڈیپارٹمنٹ برائے ججز اور وکلا، شریعہ اکیڈمی 18 سال۔

بطور انچارج فیکلٹی اف شریعہ اینڈ لا کیمپس دو سال سے تا حال

مدیر مرکز تعلیم و تحقیق اسلام اباد تا حال

تحریک سے وابستگی: زمانہ طالب علمی سے جمیعت طلبہ عربیہ پاکستان سے وابستگی 1981 سے 1995 تک جمیعت طلبہ عربیہ پاکستان کی مقامی اور صوبائی سطح کی مختلف ذمہ داریاں رہیں۔

1995 میں جماعت کی رکنیت اختیار کی اور مختلف ذمہ داریاں رہی ہیں اور اسلام اباد شوری کا تین مرتبہ رکن رہے ہیں۔

مولانا سید قطب صاحب

مولانا عبد المالک صاحب کے فرزند ہیں ۔ 1994ء میں جامعہ مرکز العلوم اسلامیہ منصورہ میں شہادۃ العالمیہ کی ڈگری ممتاز نمبروں سے حاصل کی ۔ فراغت کے بعد جامعہ میں درس تدریس شروع کی 2001ء سے جامعہ میں ناظم الامور اور استاد الحدیث کی حیثیت سے ذمہ داری ادا کررہے ہیں۔

رابطۃ المدارس الاسلامیہ پاکستان میں نائب ناظم اعلیٰ و نگران دفتر کی حیثیت سے ذمہ داریاں سرانجام دے رہے ہیں۔

مولانا مفتی سید محمود فاروقی صاحب

مولانا مفتی سیدمحمود فاروقی ابن مولانا عبدالہادی مرحوم ۱۹۶۷ میں پیدا ہوئے ۔ آبائی تعلق علاقہ شامزی تحصیل مٹہ ضلع سوات ہے ۔
تحصیل علم : ابتدائی تعلیم ضلع سوات میں حاصل کی بعد ازاں جامعہ رحمانیہ درگئی اور جامعہ اسلامیہ تفہیم القرآن مردان میں مولانا عنایت الرحمن ؒ ، مولانا گوہر رحمن ؒ سے کسب فیض کرتے ہوئے ۱۹۸۹ میں رابطۃ المدارس الاسلامیہ پاکستان سے شہادۃ العالمیہ کا امتحان پاس کیا ۔ 
اسی دوران پشاور یونیورسٹی سے ایم اے اسلامیات کی ڈگری لی ۔

تنظیمی سرگرمیاں : دوران طالب علمی جمعیت طلبہ عربیہ پاکستان کے رکن رہے ، ۱۹۹۱ میں جماعت اسلامی پاکستان کے رکن بنے ، جمعیت اتحاد العلماء ضلع سوات کے ناظم اعلیٰ رہے ۔ کراچی منتقل ہونے کے بعد صوبہ سندھ کے نائب صدر تک کی ذمہ دارایاں ادا کی ۔

جمعیت اتحاد العلماء کے نائب صدر رہے ہیں اور اتحاد العلماء کے ترجمان رسالہ جریدۃالاتحاد کے مدیر رہے ہیں۔

 تدریس :مولانا محترم نے تدریس کا آغاز جامعہ ربانیہ تھانہ مالا کنڈایجنسی سے کیا جہاں ایک سال مقیم رہے پھر جامعہ حقانیہ سنگوٹہ سوات میں دس سال اولیٰ سے عالمیہ تک تمام درجات میں تک تدریسی فرائض سرانجام دیتے رہے اس کے بعد جامعہ دارالسلام گزری کراچی میں صدر مدرسہ ،شیخ الحدیث اور شعبہ تخصص و افتاء کے نگراں رہے ۔ ۲۰۱۰ء سے جامعہ مرکز العلوم اسلامیہ منصورہ میں نائب شیخ الحدیث اور نگران تخصص کی حیثیت سے ذمہ داریاں سرانجام دی ہے۔ 

۲۰۲۱ء سے تاحال جامعہ حقانیہ سنگوٹہ سوات میں مہتمم، شیخ الحدیث اور رئیس دارالافتاء کی حیثیت سے ذمہ داری سرانجام دے رہے ہیں۔

دورہ ہائے تفسیر : مولاناصاحب نے ۱۹۹۱ سے جامعہ ربانیہ تھانہ میں دورہ تفسیر القرآن کا آغاز کیا ۔ ۱۹۹۸ سے کراچی میں مسجد قبا اور دیگر مختلف مقامات پر اور ۲۰۰۴ سے ہر سال منصورہ لاہور میں دورہ تفسیر کراتے ہیں ۔

رابطۃ المدار س الاسلامیہ پاکستان سے وابستگی و خدمات :مولانا صاحب رابطۃا لمدار س الاسلامیہ صوبہ سندھ کے نائب صدر رہے آج کل ناظم تعلیمات کے فرائض سرانجام دے رہےہیں۔